یو پوځي پيلوټ آماج ته: طالبانو د درې میاشتو معاش «درې زره افغانۍ» راکړلو

لخوا Aamaj News

له هغه دولتي کارکوونکو سره چې تر اوسه له طالبانو سره دنده ترسره کوي د معاشونو د ورکړې په اړه د طالبانو ژمنه نامالومه ده. دولتي کارکوونکي وایي؛ چې نه د خوړلو لپاره ډوډۍ لپاري او نه د تګ راتګ لپاره کرایه؛ خو طالبان یوازې د معاش ورکولو لپاره نامالومې ژمنې کړي او عمل نه کړي.

یو پوځي پیلوټ چې آماج یې د شخصي امنیت او مقام د خوندیتوب لپاره د نوم له اخیستلو ډډه کوي، وایي چې «طالبانو راته درې زره افغانۍ د درې میاشتو معاش په بدل کې راکړې.» نوموړی وایي: «له پینځو میاشتو معاش نه ترلاسه کولو وروسته، تېره ورځ طالبانو راسره اړیکه ونیوله، چې راشی معاش درکوو، کله چې ورغلم درې میاشتو معاش مو درې زره افغانۍ شوی و، مانا د هرې میاشتې زر افغانۍ. په داسې حال کې چې د یوې میاشتې معاش مې سب زره افغانۍ و.»

دغه پوځي پیلوټ د آماج له خبریال سره خبرو کې زیاته کړه؛ چې د طالبانو له دې کړنې سخت خواشینی دی. ځکه د نوموړي په وینا؛ د طالبانو له درې زره افغانیو په ورکولو سره، د نوموړي پوځي رتبې ته چې ډګرمني ده، سپکاوی کړی.

دغه پیلوټ چې تېر حکومت کې یې هم د پوځي الوتکې د پیلوټۍ دنده درلوده، اوس کابل هوایي ډګر کې له طالبانو سره په دنده بوخت دی.

دا په داسې حال کې ده؛ چې کابل هوايي ډګر کې يوځي الوتکې د امریکایي پوځیانو لخوا خرابې شوې وې او طالبانو تازه ادعا کړې چې له دې ډلې یې څو الوتکې فعاله کړې دي.

طالبانو تل د دولتي کارکوونکو د معاشاتو په ورکولو سره ژمنه کړې ده، خو تر اوسه نه دي توانېدلي چې په دې ژمنو عمل وکړي؛ که یې ورکړې هم دي کمې وې، چې دا دومره مقدار د دولتي کار کوونکو د کورنیو لپاره بسیا نه دي.

اړوند لیکنې

1 تبصره

یو نظر پریږدئ