د افغانستان د فوټسال ملي لوبډله به سبا له عراق سره د فوټبال نړیوال جام ته د لار موندنې په موخه مخامخ شي

وروسته له هغه چې د افغانستان د فوټسال ملي لوبډلې د اسیا د ملتونو جام په کوارټر فاینل پړاو کې د تاجیکستان د فوټسال ملي لوبډلې ته ۲-۱ ماتې ومنله او  څلورو غوره لوبډلو پړاو ته یې لار و نه موندله او په مستقیم ډول په ازبیکستان کې د ۲۰۲۴ کال نړیوال جام ته لاره پیدا نه کړه؛ اوس به د دې سیالیو په پلې‌آف کې سبا د افغانستان پر وخت د سهار په ۱۰:۳۰ بجو د عراق له ملي لوبډلې سره مخامخ کېږي.

د افغانستان د فوټسال ملي لوبډله چې په دې کلونو کې یې د پام وړ پرمختګ کړی او د افغانستان لپاره یې ډېر تاریخونه جوړ کړي دي، په داسې حال کې چې څو کاله وړاندې په نړیوال جام کې ګډون یو خوب ورته ښکارېده؛ خو اوس د دې میدان په سیالیو کې د ګډون لپاره یوازې دوو برياوو ته اړتیا لري او حتی د تاجیکستان ملي لوبډلې ته په ماتې ورکولو سره یې کولای شوی چې مستقیم صعود وکړي.

د افغانستان د فوټسال ملي لوبډله چې د اسیا د ملتونو د جام په کوالیفایر کې د سعودي عربستان په څېر اسیايي قدرتونو ته په ماتې ورکولو سره دې سیالیو ته لاره پیدا کړې وه، د اسیا د فوټسال په دې سطحه کې خپله لومړۍ لوبه تجربه کړه او د لوبډلې نه هیلې یې زیاتې کړې.  خو دا لوبډله له یوې میاشتې څخه په کمه موده کې  ګوښې ته شوه.

د افغانستان د فوټسال ملي ټيم د دغو سياليو په (D) ګروپ کې د ايران، کويت او بحرين له ملي ټيم سره يوځای و، په خپله لومړۍ لوبه کې د اسيا له تر ټولو وياړلې ټيم، د ايران له ملي ټيم سره مخامخ شو. په داسې حال کې چې ایرانیان د افغانستان په وړاندې د تیرو لوبو په څیر د یوې بشپړې ګول وهونکي لوبې تمه درلوده؛ خو په دې لوبه کې یوازې د دوو ګولونو په توپیر سره د ۱- ۳ بريا خپله کړه.د مجید مرتضای زده‌کوونکو د منلو وړ لوبه ترسره کړه.

په دویمه لوبه کې د هېواد ملي لوبډلې د کویټ د ملي لوبډلې پر وړاندې بریا ته اړتیا درلوده څو کوارټر فاینل ته لاره اسانه کړي. خو د دې ټیم په وړاندې یې ماته وخوړه او راتلونکي مرحلې ته تګ یې د ځينو احتمالي پېښو پېښېدو ته وغځېده.  په خپله وروستۍ او پرېکنده لوبه کې افغانستان د بحرین له لوبډلې سره مخامخ شو، چې ۲-۳ فوق العاده بريا یې خپله مړه او د کویټ په وړاندې د ایران د ملي لوبډلې د ستر ګول په پایله کې د څلورو نمرو په لرلو سره بل پړاو ته لاړه.

د هېواد د فوټسال ملي لوبډلې د وروستي څلور پړاو په لومړي پړاو کې له خپل فارسي ژبي ګاونډي هېواد تاجیکستان سره مخامخ شوه، چې د ملتونو د جام له پيل مخکې يې په يوه دوستانه لوبه کې دغې لوبډلې ته په ۴-۳ ماتې ورکړه.  د هېواد د فوټسال لوبغاړو لوبه په لومړۍ نیمايي کې ښه پیل نه کړه او دروازه یې له بده مرغه او په يو خپل‌سري ګول سره پرانیستله. خو په دوهمه نیمايي کې فرزاد محمودي د تاجکستان په وړاندې کې یو ښکلی ګول وواهه او لوبه یې ۱-۱ مساوي کړه.

کار د دوه نیمو اضافي وخت ته وغځول شو، چیرې چې د مرتضای زده‌کوونکو د تجربې نشتوالی او علي جعفري د تاجکستان لوبغاړي باندې د افغانستان پنځم فاول ترسره کړ، ددې لامل شو چې مخالف لوبغاړي ته یې د دویم پوائنټ څخه پینالټي چانس ورکړ. پینالټي په ګول بدله شوه او لوبه د ۱-۲  په پایله د افغانستان په په بایله پای ته ورسیده او له جام څخه حذف شو.

د تاجیکستان په وړاندې ماتې سره د افغانستان چانس پای ته وه نه رسېد. ملي لوبډلې ته د ۲۰۲۴ کال اسیایي نړیوال جام کې د ازبکستان د کوربه توب او په دې سیالیو کې د دغه هېواد د پرله پسې هڅونې له امله د افغانستان ملي لوبډلې د نړیوال جام په سیالیو کې د اسيا د ملتونو جام د پنځم نړيوال جام پلې‌آف ته د رسيدو لپاره په پنځم پړاو سياليو کې د ګډون چانس تر لاسه کړی او اوس بايد د عراق له ملي لوبډلې سره مخامخ شي او که يې وروستۍ لوبه وگټله، نو د سياليو له گټونکي (ويتنام او قرغزستان) له ټیمونو سره به مخامخ شي.

د مرکزي اسيا په سياليو کې د فوټسال ملي لوبډلې په زړه پورې کارکردګي او د اسيايي قدرتونو په شتون او بيا د اسيايي هېوادونو د جام په کواليفاير کې د دويم مقام ترلاسه کول د مينه والو د زياتو هيلو او خوښيو سبب شول؛ خو لوبډله د فوټبال د ملي لوبډلې په څېر حاشییې ته شوه، هغه څه چې په دغو سیالیو کې یې د ملي لوبډلې پر کارکردګي اغېزه وکړه، چې ښکاره بېلګه یې د تاجکستان پر وړاندې په لوبه کې په ښکاره توګه لیدل کېده.

د ډېرو تجربه لرونکو ستورو لوبغاړو په شتون سره، افغانستان کولی شوی چې له ګروپي پړاو څخه په اسانۍ تېر شي او د تاجکستان د لوبې په څېر نږدې ګټونکي لوبې وګټي او اوس د څلورو غوره لوبډلو په کتار کې ځای ولري او په ازبکستان کې د ۲۰۲۴ کال نړیوال جام کې به یې په مخ تګ کړی و.