د افغانستان د کرکټ ملي لوبډله به د اسیا د ملتونو د جام د ۲۰ اوریزو لوبو په دوام کې نن ماښام د پاکستان د کرکټ له ملي لوبډلې سره مخامخ شي.
دا لوبه نن (چهارشنبه د سنبلې ۱۶مه) د افغانستان پر وخت د مازدیګر ۶:۳۰ بجې د متحده عربي اماراتو په شارجه کې ترسره کیږي.
که افغانستان له پاکستان څخه لوبه وګټي، فاینل ته د ورتګ چانس به یې زیات شي.
د افغانستان د کرکټ ملي لوبډلې تر دې دمه د اسیا د ملتونو جام په سیالیو کې دوې بریاوې لري او یوه ماته.
ټاکل شوې دا لوبډله سبا له هند سره مخامخ شي.
