د طالبانو حکومت د دفاع وزارت ویاند عنایت الله خوارزمی وایي هغه شایعات چې خواله رسنیو کې خپاره شوي؛ چې ګواکي ننګرهار ته د سفر پر مهال د دفاع وزارت سرپرست مولوي محمد یعقوب مجاهد موخه ګرځېدلی، حقیقت نه لري.
نوموړي نن (شنبه د غبرګولي ۷مه) د یو ټویټ په خپرولو سره دا موضوع بیان کړې ده.
خوارزمي زیاته کړې؛ چې یاد سفر کې پر مجاهد هېڅ ډول برید او یا چاودنه نه ده شوې؛ بلکې سفر ګټور وو.
دا په داسې حال کې ده؛ چې له دې وړاندې یو شمېر رسنیو راپور ورکړی و، چې مولوي محمد یعقوب مجاهد د یو برید موخه ګرځېدلی.
