له اوکراین سره د نړیوالې ټولنې ۱.۴۹ میلیارد ډالره مرسته

لخوا Aamaj News

د نړیوال بانک اجراییوي هیئت تېره ورځ د اوکراین لپاره ۱.۴۹ میلیارده اضافي مالي مرسته تصویب کړه.

دا مرسته د ټولنیزو کارکوونکو او دولتي کارکوونکو د معاشونو د ورکړې لپاره تصویب شوې او د نړیوال بانک د ژمنه شوي ملاتړ کچه له څلور میلیارده ډالرو ډېره شوې ده.

د یاد بانک په اعلامیه کې راغلي؛ چې وروستی بودیجه د بریتانیا، هالنډ، لیتوانیا او لتوني مالي ضمانتونو سره ملاتړ کېږي.

همداشان دا پروژه د ایتالیا او څو اړخیز باور صندوق په مالي مرسته ملاتړ کېږي.

په ورته وخت کې اوکراین ویلي؛ چې د یاد هېواد مهمو اقتصادي برخو له ځنډېدو او د روسیې له برید وروسته هره میاشت ۵ میلیارده ډالرو ته اړتیا لري.

دا په داسې حال کې ده چې د اوه ډلې مالي رهبرانو تېره میاشت ژمنه کړې وه تر څو ۹.۵ میلیارده ډالره نور بودیجه چمتو کړي او خپل غیر پوځي ملاتړ ته دوام ورکړي.

په ورته وخت کې نړیوال بانک ویلي؛ چې له مرسته کوونکو هېوادونو سره مرسته کړي تر څو د پوهنې، روغتیا، ټولنیزو خدمتونو، برېښنا او اوبو برخه کې د اوکراین د اړتیا وړ بودیجه چمتو کړي.

د نړیوال بانک د ختیځې اروپا هېوادونو اجرایي مدیر آروپ بانرجي په یوه بیانیه کې ویلي؛ چې یاد خدمتونه د اوکراین اوسېدونکو د اړتیاوو رفع کولو لپاره وړاندې کېږي تر څو په دې هېواد کې له بشري ناورین مخنیوی وشي.

نوموړي زیاته کړې؛ چې دې خدمتونو کې د اوکراین ښارونو بیا جوړونه هم راځي.

پر اوکراین د روسیې له برید وروسته، د یاد هېواد له پوځي برخې پرته نورې ټولې برخې رخصت شوې دي او د تولنیزو، خوراکي او لومړیو مرستو د خدمتونو اړتیا زیاته شوې ده.

اړوند لیکنې

یو نظر پریږدئ