د ترکیې د بهرنیو چارو وزیر: د طالبانو د حکومت په رسمیت پېژندلو ته بېړه نه لرو

لخوا Aamaj News

د ترکیې د بهرنیو چارو وزیر مولود چاوش اوغلو د انتالیا دیپلوماتیکې غونډې ته ویلي چې د طالبانو د حکومت په رسمیت پېژندلو پرته، بشري مرستې په افغانستان کې ټولې ننګونې نه شي هوارولی.

هغه زیاته کړې، چې انقره د طالبانو په رسمیت پېژندلو ته بېړه نه لري.

د ترکیې د بهرنیو چارو وزیر پرون په یوه خبري غونډه کې وویل، چې د انتالیا دیپلوماتیکې غونډې ته د طالبانو د پلاوي بلنه د دوی د حکومت په رسمیت پېژندلو په معنا نه ده.

دا په داسې حال کې ده چې مولود چاووش اوغلو په رسمي ډول د طالبانو د بهرنیو چارو له وزیر امیرخان متقي څخه وغوښتي و، چې د انتالیا د دیپلوماتیکو مجمع کې ګډون وکړي.

خو امیر خان متکي له بي بي سي پښتو سره په مرکه کې ویلي، چې په ترکیه کې د افغانستان سفارت له کابل څخه امر ترلاسه کوي.

هغه زیاته کړې چې د طالبانو حکومت په انقره کې سفارت لري او سفیر یې له کابل څخه امر ترلاسه کوي.

نوموړي څرګنده کړې، چې په نورو هېوادونو کې هم د افغانستان ځينې سفارتونه له کابل سره اړیکه کې دي او ډیپلوماټان یې له کابل امر اخلي.

دا په داسې حال کې ده، چې په افغانستان کې د طالبانو د واکمنۍ له اوو میاشتو وروسته، هېڅ هېواد د دوی واکمني په رسمیت نه ده پېژندلې.

خو امیرخان متقي له دې وړاندې ویلي و چې له دوی سره د نړۍ تعامل د یو په رسمیت پېژندل شوي حکومت په څېر دی.

اړوند لیکنې

یو نظر پریږدئ