د ترکیې پولیسو د ۶۴ افغان‌کډوالو د نیولو خبر ورکړ

ترکي رسنیو خبر ورکړی، چې د دغه هېواد پولیسو په بیټلیس ښار کې په یوه ټریلر کې دننه ۶۴ افغان‌کډوال نیولي دي.

د ترکيې پوليسو د سه‌شنبې په ورځ (د لړم په دوهمه) ويلي چې دغه کسان او دوه نور کسان د «انساني قاچاق» په تور په بیټليس ولايت کې د «ژاندارمري عملياتو» په پايله کې نيول‌شوي دي.

د ترکیې پولیسو زیاته کړی ده چې نیول‌شوي پناه‌غوښتونکي د بیتيليش ولایت د مهاجرت ادارې ته سپارل شوي دي او دوه نور کسان چې د «انساني قاچاق» په تور نیول شوي، عدلي ارګانونو ته معرفي شوي دي.

دا په داسې حال کې ده چې په وروستیو میاشتو کې په ایران، پاکستان او ترکیې کې د افغان‌مهاجرینو نیول زیات شوی دی.