ایران: طالبان په افغانستان کې د افراطیت د ودي د مخنیوي لپاره قطعي مسوولیت لري

لخوا Aamaj News

د ایران د بهرنیو چارو وزارت ویاند، سعید خطیب زاده ویلي، طالبان په افغانستان کې د افراطیت د زیاتېدو د مخنیوي لپاره قطعي مسوولیت لري.

د ایران د بهرنیو چارو وزارت ویاند هم په یوه خبري غونډه همدارنګه زیاته کړې، طالبان په افغانستان کې د خلکو د ژوند د خوندیتوب مسوول دي او باید هېڅ ترهګرې ډلې ته اجازه ورنه کړي چې ګاونډیو هېوادونو ته ګواښ او په افغانستان کې د افراطیت ته وده ورکړي.

خطیب زاده د افغانستان د خلکو د اوسني وضعیت په اړه د اندېښنې په څرګندولو سره وویل: «موږ د ټولو خلکو او توکمونو په اړه جدي یو او د هغوی د وضعیت په اړه اندېښمن یو.»

نوموړي په افغانستان کې د یوه ټول شموله حکومت پر جوړېدو بیا ځلي ټینګار کړی او ویلی: «طالبان باید هڅه وکړي چې په افغانستان کې د یوه ټول شموله حکومت د جوړېدو پر لور حرکت وکړي.»

ایران په دې وروستیو کې د دواړو خواوو تر منځ د سرحدي شخړو سره سره د طالبانو ډیپلوماتان ومنل. خو تر اوسه یې د طالبانو حکومت په رسمیت نه دی پېژندلی.

اړوند لیکنې

یو نظر پریږدئ