په تخار کې سیمهییزې سرچینې وایي چې طالبان د یاد ولایت مرکز، تالقانو ښار په پُل کلان سیمه کې بې چادرې او بې محرمه ښځې له ښاري موټرونو ښکته او په سپکاوي سره ترې پلټنه کړي.
د سرچینې په وینا؛ طالبانو نن ښاري ټکسي موټرونو ته خبرداری ورکړی، چې بې نقابه او بې محرمه ښځې موټرونو کې پورته نه کړي.
له دې وړاندې هم داسې راپورونه خپاره شوي وو؛ چې یاد ولایت کې طالبان له هغو ښځو سره چې بې محرمه او چادرۍ له کوره بهر کېږي، د سپکاوي ډک چلند کوي.
دا په داسې حال کې ده؛ چې د افغانستان د خبریالانو د خوندیتوب کمیټې ویلي و، چې طالبانو په بلخ، تخار او جوزجان ولایتونو کې له رسنیو څخه د ښځو د غږ او سندرو خپرېدل منع کړي.
