طالبانو د مقاومت له جبهې سره د همکارۍ په تور یو پخوانی پوځي نیولی دی

د ۲۰۹ شاهین قول اردو د پخواني افسر، نصرالدین خپلوان آماج نیوز ته وايي، چې تېره شپه ناوخته طالبانو هغه نیولی دی.

دوی زیاتوي، چې طالبانو د سالنګ ولسوالۍ د امنیه قومندان په امر نصرالدین له خپل کور سره نږدې د مقاومت له جبهې سره د همکارۍ په تور نیولی دی.

دوی د طالبانو د حکومت پر عمومي بښنې نیوکه کوي او وايي: «که څه هم هغه په ​​سختو کارونو بوخت و او خپل ټول پوځي تجهیزات یې تسلیم کړي وو، خو د طالبانو له خوا ونیول شو او برخلیک یې نه دی معلوم.»

په همدې حال کې یوې بلي سرچینې آماج ته وايي، چې د سالنګ ولسوالۍ اوسېدونکي د دغي ولسوالۍ د امنیه قومندان له چلند څخه په تنګ راغلي.

سرچينه زياتوي، چې د سالنګ امنيه قوماندان د شخصي دښمنيو له امله د خلکو په خپلسري نيولو او ځورولو لاس پوري کوي.

طالبانو لا تر اوسه په دې اړه کومه څرګندونه نه ده کړی.