په بلخ کې د ۱۵۰زره امریکايي ډالرو په لګښت د یوه ديني مدرسې د بنسټ ډبرې له ایښودلو وروسته، د طالبانو تر کنټرول لاندې باختر آژانس وايي چې دغې ډلې په میدانوردګو کې د ۴۰۰زره ډالرو په لګښت د یوه جومات د جوړولو کار پیل کړی دی.
باختر آژانس نن (یکشنبه د ميزان دوهمه) ليکلي دي دغه دوه پوړيزه جومات په نهه جريبه ځمکه کې د سلګونو تنو لمونځ کوونکو د ظرفيت په لرلو سره جوړيږي.
طالبان وايي چې دغه جومات به د وردګو ولایت په سیدآباد ولسوالۍ کې جوړ کړي.
دا په داسې حال کې ده چې طالبانو پرون د بلخ په نهرشاهي ولسوالۍ کې د ۱۵۰زره ډالرو په لګښت د یوه ديني مدرسې د جوړېدو چارې پیل کړې.
د افغانستان په بیلا بیلو سیمو کې د مدرسو او جوماتونو جوړول په داسې حال کې په ستر لګښت روان دي چې د خوړو نړیوال پروګرام په دې وروستیو کې اعلان کړی دی چې افغانستان یو له هغو هیوادونو څخه دی چې له یو ملیون څخه ډیر خلک په «بیړنۍ کچه د لوږې» سره مخ دي.
1 تبصره
This is my first time pay a quick visit at here and i am really happy to read everthing at one place