د طالبانو د ریاست‌الوزرا سرپرست: د طالبانو په نظام کې قومي، ژبني او سمتي وېش نشته

د طالبانو د ډلې د ریاست‌الوزرا سرپرست مولوي عبدالکبير د بلوڅو د قومي شورا له ځينو غړو سره په کتنه کې وويل چې بلوڅانو د تاريخ په اوږدو کې تل خپل اتلولي ښودلي دي. هغه زیاته کړه چې هیڅ نژادي، ژبني یا طبقاتي ویش نشته.

دا څرګندونې په داسې حال کې کېږي چې د طالبانو په رژیم کې د قدرت انحصار او د خلکو د خوښې پر بنسټ د جوړښت نشتوالی تل د خلکو او نړیوالې ټولنې له جدي انتقادونو څخه ګڼل کېږي او له ختیځ څخه تر لوېدیځ پورې په افغانستان کې د یوه ټول شموله حکومت د جوړولو غوښتنه کوی.