سرچینې آماج ته وایي؛ چې د پخواني حکومت د پوځ د ځانګړو ځواکونو غړي ستار سیرت د طالبانو تر شکنجې لاندې ساه ورکړې ده.
د سرچینې په وینا؛ سیرت دوه اونۍ وړاندې د مزارشریف _ سرپل له لارې د طالبانو لخوا تښتول شوی وو او د دې ډلې بندخونه کې تر شکنجې لاندې په قتل رسېدلی دی.
هغه ویډیو چې د نوموړي له مړي خپره شوې، ښکاري چې د ملا برخه کې دوه ټوټې شوی دی او لوڅ مړی یې پر واورو اچول شوی دی.
یوه سرچینه آماج ته وایي؛ چې طالبانو نوموړی د «افغانستان آزادۍ جبهې» سره د مرستې په تور په بېرحمانه ډول وژلی دی.
پوهان وایي، چې د طالبانو عمومي عفوه له دروغو پرته نور څه نه دي او ظاهراً طالبانو د عمومي عفوې پر ځای عمومي وژنې په لاره اچولې دي.
خو طالبانو هر ځلې د پخوانیو پوځیانو وژل رد کړي او پر عمومي عفوه یې ټینګار کړی دی.