د طالبانو حکومت ویاند ذبیحالله مجاهد وايي چې په افغانستان کې داعش په بېمخینې ډول ځپل شوی.
نوموړي نن (پنجشنبه د وږي درېیمه) کابل کې یوې خبري ناستې ته وویل چې د روسيې په ګډون د سیمې هېوادونه دې د افغانستان له خاورې نور د داعش دلې له خوا هېڅ ډول اندېښنه نه لري.
نوموړي د افغانستان هوايي حریم کې بېپیلوټه الوتکو ګرځېدو ته په اشارې سره ویلي چې دا الوتکې په امریکا پورې اړه لري او د دوی پلاوی یې په اړه له امریکا سره خبرېاترې کړي.
د طالبانو ویاند افغانستان کې د ملي خبرواترو بهیر د پیل په اړه د هند بهرنیو چارو وزیر څرګندونو په غبرګون کې زیاته کړې، چې طالبان د «سیاسي مخالفینو» بیا راستنېدو لپاره له ټولو لارو چارو ګټه اخلي.
ذبیحالله مجاهد وویل چې د افغانستان له خاورې به د هېڅ هېواد په وړاندې ګټه نه اخیستل کېږي.
د مجاهد دا څرګندونې په داسې حال کې کېږي چې د روسیې دفاع وزیر په دې وروستیو کې ویلي چې افغانستان کې داعش او القاعده فعال دي او د مذهبي راډيکالېزم ايډیولوژي او بې پولې جنایتونو په پراخېدو دي.
شرګي شایګو وویل د افغانستان شرایطو ته په پام سره، روسیه د منځنۍ آسیا د امنیت ټينګولو لپاره ځينې کړنې ترسره کوي.