ځایي سرچینې آماج ته وایي چې طالبان د پروان ولایت په ګلبهار سیمه کې له یو بل سره نښتي دي.
د سرچینې په وینا، دغه نښته نن (سه شنبه، د چنګاښ ٢١مه) د ځایي او کندهاري طالبانو ترمنځ شوې ده.
د یادې نښتې له مرګژوبلې په اړه لا تراوسه مالومات نشته او د پېښي انګیزه هم نه ده څرګنده شوې.
دا په داسې حال کې ده چې د راپورونو له مخې، تېره ورځ هم د تخار ولایت په خواجه بهاوالدین ولسوالۍ کې د طالبانو دوه اوزبېک او پښتون قومندانان په خپل منځ کې نښتي وو چې له کبله یې دوه طالبان وژل شوي او څلور نور ټپیان شوي وو.
