د طالبانو د بهرنیو چارو وزارت ویاند عبدالقهار بلخي نن (سه شنبه، وري 30) په خپل ټوېټر کی د افغانستان له خاوری د ازبکستان ترمذ ښار باندی د توغندیو توغول رد کړی او هغه یې آوازې وبلل.
هغه ډاډ ورکړ چې د دواړو هیوادونو پر پولو وضعیت عادي او د هيڅ ډول اندېښنې ځای ندی.
ښاغلي بلخي زیاته کړه، افغانستان د یوه مسوول دولت په توګه پر خپلو ژمنو پر ټینګار, یو ځل بیا خپلو ټولو ګاونډیانو ته ډاډ ورکړي، چې د افغانستان پوله ساتي ځواکونه د افغانستان پولې له نږدې څاري او هیچا ته به اجازه ورنه کړي، چې امنیت ګډوډ کړي.
دا په داسی حال کی ده چی تېره ورځ د ترمذ پر پولییز ښار د توغندیز برید وروسته د داعش خراسان ډله د یادي پېښي پړه و منله.
دغه ډله د یو انځوریز ویډیو په خپرولو سره ادعا کړې وه چی دغه برید دافغانستان د حیرتان پولییز ښار څخه شوی دی.
