د طالبانو حکومت د کانونو او پترولیم وزیر شهاب الدین دلاور په چین کې د مس عینک قراردادي شرکت له استازو سره لیدلي.
دلاور په یاده لیدنه کې ویلي؛ چې په افغانستان کې د مس عینک پروژې په لار اچولو لپاره ټول شرایط پوره شوي.
نوموړي ټینګار کړی چې د یادې پروژې چارې باید ژر تر ژره پیل شي.
بل پلو په یاده ناسته کې د (MCC) کمپنۍ استازو د طالبانو له حکومت غوښتي؛ چې په افغانستان کې د چیني پانګوالو د پانګونې لپاره یو میکانیزم جوړ کړي.
له دې وړاندې د افغانستان کانونو د راوېستلو لپاره چینایانو د هیله مندۍ په اړه ځینې راپورونه هم خپاره شوي وو.
