په تخار کې د طالبانو يو ازبېک قوماندان ووژل شو

د تخار ولایت سیمه ییزي سرچینې آماج ته وایي چې په دغه ولایت کې د طالبانو یو ازبېک قومندان، قاري صفي‌الله مشهور په معاذ وژل شوی دی.

سرچينې نن (چهار شنبه د وږي ۱۶مه) وایي چې د طالبانو دغه غړى د تخار ولايت د دشت قلعه ولسوالۍ په زاړه ښار کې د وسله والو په بريد کې وژل شوى دى.

د سرچينې په وینا، نوموړى له څو ورځو راهيسې د ناپېژاندو کسانو له لوري تر بندي کېدو وروسته سخت شکنجه شوى او ټپي شوى، او روغتون ته تر لېږدولو وروسته، تېره ورځ ساه ورکړې ده.

د یادولو وړ ده چې قاري معاذ په پنجشېر ولایت کې د طالبانو د استخباراتو غړی و او څو ورځې وړاندې د تخار ولایت، دشت قلعه ولسوالۍ کې خپل کور ته په رخصتي تللی و.

طالبانو تر اوسه په دې اړه څه نه دي ویلي.