طالبانو په تخار کې دوه ملکي وګړي د مقاومت له جبهې سره د همکارۍ په تور په ډزو ووژل

په تخار کې ځایي سرچینې آماج ته وایي چې طالبانو په دغه ولایت کې دوه ملکي وګړي د مقاومت له جبهې سره د همکارۍ په تور په ډزو وژلي دي.

د سرچينې په وینا، دغه پېښه د جمعې په ورځ (د سنبلې ١١مه) د تخار ولايت د ورسج ولسوالۍ د دهنه شره په کلي کې رامنځته شوې ده.

سرچینې زیاتوي چې طالبانو دغه دوه ملکي کسان دوې میاشتې وړاندې د دغه ولایت په ورسج ولسوالۍ کې د مقاومت له جبهې سره د همکارۍ په تور نیولي وو.

طالبانو په دې اړه څه نه وایي.