طالبانو په تخار کې په یوه تلاښۍ تمځي کې پر یوې ځوانې نجلۍ ډزي کړي

په تخار ولایت کې سیمه ییزو سرچینو آماج ته وایي چې طالبانو په دغه ولایت کې په یوه تلاښۍ تم ځای کې د ریتا په نوم پر یوې ۲۲ کلني نجلۍ ډزي کړي دي.

د سرچينو په وینا، دغه پېښه نن سهار (سه شنبه، زمري ٤مه) شاوخوا ١١ بجې د تخار ولايت په مرکز تالقان ښار کې رامنځته شوې ده.

د سرچينې له قوله دغه نجلۍ اوس د تخار د ولايتي روغتون د ځانګړې پاملرنې په څانګه کې د کوما په حالت کې ده.

د يادونې وړ ده، چې دا لومړۍ پېښه نه ده، چې په هېواد کې د طالبانو لخوا له ملکي وګړو سره دا ډول چلند کېږي.

په تخار کې د طالبانو د امنیې قوماندانۍ ویاند، مبین صافی وايي، دغه ځوانه نجلۍ هغه مهال د طالبانو په ډزو ټپي شوه کله چې نن له غرمې مخکې یو مجرم له زندانه تښتېدلی و او د دوی ځواکونو د هغه د نیولو په هڅه کې وو، چې ناڅاپه مجرم د دوی پر ځواکونو ډزې وکړې.