د تاجیک پر ځای پښتون؛ طالبانو د بلخ پوهنتون ۵۰ استادان له دندو ګوښه کړل چې ۲۷ تاجیک او ۱۲ هزاره ګان وو

لخوا Aamaj News April 29, 2022

لیکنه Aamaj News April 29, 2022

د بلخ پوهنتون د اکثرو غیرپښتنو استادانو او اداري کارکوونکو په ډله ییزه توګه ګوښه کولو غبرګونونه راپارولي دي.

په تازه پېښه کې طالبانو د بلخ پوهنتون ۵۰ استادان له دندو ګوښه کړي، چې ۲۷ یې تاجیکان او ۱۲ هزاره ګان دي. په همدې حال کې د اتو ګوښه شوي اداري کارمندانو له ډلي اوه یې تاجیکان دي او پر ځای یې پښتانه ګومارل شوي دي.

د بلخ پوهنتون یو شمېر استادانو د نوم د نه ښودلو په شرط آماج ته وویل چې د طالبانو په حکومت کې قومي تصفیه په شډت سره روانه وه.

خو د طالبانو یوې سرچینې آماج ته ویلي، چې دغه استادان دايمي غیر حاضر وو او یا له هېواده وتلي وو او د اصولو له مخې باید له دندو ګوښه شوي وای. خو يوې بلې سرچينې چې اوس له افغانستانه بهر ژوند کوي، اماج ته وويل: «همدا اوس په دې لويديځ هیواد کې پښتون استاد زما سره دى، خو نه دى منفک شوى.»

په همدې حال کې د بلخ پوهنتون يو بل استاد د علمي بنسټونو پر طالبانیزه کېدو نيوکه وکړه او ويې ويل، چې د پوهنتون له لوحې څخه د فارسي له لرې کولو وروسته اوس د ګوښه شويو اداري کارکوونکو پر ځاى ټول پښتانه او طالبان ګومارل شوي دي.

تر دې وړاندې داسې راپورونه هم ورکړل شوي وو چې طالبانو د کابل پوهنتون د علمي کدر ۵۰ غړي له دندو ګوښه کړي دي.

خو د کابل پوهنتون لپاره د طالبانو د ټاکل شوي رييس له خوا د طالبانو د لوړو زده کړو وزير ته په لاسليک شوي ليک کې راغلي چې د دغو علمي کدرونو د ګوښه کېدو لامل «دايمي غير حاضري» ده.

خو سرچينې وايي، چې له اختر وروسته به له علمي کدرونو څخه ځانګړې آزموينه اخلي، چې په دې توګه د خپل خوښي وړ افرادو لپاره د ځاى پرانېزي.

د دغو سرچینو په وینا اکثره ګوښه شوي استادان هغه کسان دي چې د طالبانو له نویو اصولو او مقرراتو سره یې مخالفت کړی او د کابل پوهنتون پرېښودو ته اړ شوي دي.

خو د کابل پوهنتون استاد او علمي غړى احمد ضيا رفعت وايي، چې د پوهنتون استادان ګوښه نه، بلکې له دندو منفک شوي دي.
د هغه په وینا، د دوی د منفکي لامل د دوی اوږده غیر حاضري وه. څو نوي علمي شخصیتونو د جذبولو لپاره لاره پرانیزي.

خو د احمد ضیا رفعت څرګندونې هم له توندو غبرګونونو سره مخ شوې، لکه کله چې د فیسبوک یو کارونکي وپوښتل: «فکر کوم چې تاسو هم څرخی نیول پیل کړی، ښاغلی استاده؟»

خو د کابل پوهنتون دغه استاد د دې مسلې د څېړلو لامل «د خبریالۍ په کار کي ځيرتوب» وباله او ویې ویل چې د ده څرګندونې د طالبانو د کړني د قضاوت په معنا نه دي.

که څه هم طالبانو تر اوسه د دغي ګوښه کېدو او ګمارني په اړه څه نه دي ویلي، خو د طالبانو د کابینې ډېری غړي او واليان پښتانه او طالبان دي او دې کار د افغانستان په څو توکمیزو ټولنو کې نارضایتي رامنځته کړې ده. خو طالبان وايي حکومت ټول شموله دی.