اسکای نیوز شبکې له هرات بندخونې څخه په اختصاصي راپور کې لیکلي؛ چې په دې بندخونه کې ۱۲ کلن ماشومان او د پخواني حکومت کارکوونکي ساتل کېږي.
په راپور کې راغلي؛ د یادې بندخونې اصلي بندخونې له هغه بندیانو ډک دي، چې هر یوه کې شااوخوا ۴۰ کسان شتون لري
د اسکای نیوز خبریال ویلي؛ چې طالبانو دوی ته اختصاصي اجازه ورکړي تر څو له یادې بندخونې لیدنه وکړي، خو د بندخونې له رئیس او وسلوالو ساتونکو سره یې.
په یاد راپور یادونه شوې چې ځینو بندیانو ویلي؛ چې شااوخوا پینځه میاشتې کېږي چې په دې بندخونه کې وخت تېروي، یعني د طالبان له ولکې څو ورځې وروسته بند ته لوېدلي.
دغه شبکې له ځينو بندیانو څخه په نقل قول لیکلي، چې دوی د پخواني حکومت کارکوونکي دي.
د یادو بندیانو له ډلې یو کس اسکای نیوز ته ویلي: “له کوم شاهد، سند او د محکمې له حکم پرته دلته اچول شوي یو او نه پوهېږو چې کله به آزاد شو.”
بل پلو دغه شبکه زیاتوي؛ چې د هرات په اصلي بندخونه کې تر ۱۲ کلنو ماشومانو پورې ماشومان بندیان دي. له دې ډلې ځینو ماشومانو ویلي چې د “بایسکل غلا” په تور بندیان شوي.
د دې سربېره د هرات بندخونې رئیس اسکای نیوز ته ویلي، چې په تېر حکومت کې د هرات ښځینه بندخونې مسووله عالیه عزیزي په فساد ککړه وه او له بهرنیو هېوادونو یې د پناه اخیستو غوښتنه کړې.
