د پوهنې وزارت سرپرست: د نجونو ښوونځیو پرانیستلو ته زموږ د مسوولیت او ژمنې پر بنسټ اجازه ورکو

لخوا Aamaj News

د طالبانو حکومت د پوهنې وزارت سرپرست، مولوي نورالله منیر نن “پنجشنبه د جدي ۳۰ مه” په افغانستان کې د ملګرو ملتونو سازمان ځانګړي استازي دیبورا لاینز او د افغانستان لپاره د یونیسف پوهنیز مسوول ادرینا اوجیلار سره کابل کې ولیدل.

د پوهنې وزارت سرپرست په یاده لیدنه کې ویلي؛ چې د نوي پوهنیز کال له پیلیدو سره د نجونو د ښوونځیو د پیل لپاره ډېرې هیلې شته او حکومت د بهرنیو فشارونو له امله نه، بلکې د خپلو مسوولیتونو او ژمنو پر بنسټ د نجونو ښوونځیو پرانیستلو ته اجازه ورکوي.

همداشان آغلې لاینز او آغلې ادرینا اوجیلار د ښونې او روزنې په برخه کې د طالبانو حکومت له پالیسۍ او د پوهنې وزارت له هڅو ستاینه کړې او د طاابانو له حکومت سره یې د هر ډول مرستې ژمنه کړې.

اړوند لیکنې

یو نظر پریږدئ