د سرپل سیمهییز چارواکي په دغه ولایت کې د یوې خونړۍ ترافيکي پېښې خبر ورکوي او وايي چې په دې پېښه کې د ۸ ماشومانو او ۱۲ ښځو په ګډون ۲۴ تنه وژل شوي دي.
دا پېښه نن (چهارشنبه د غبرګولي ۱۷مه) د دغه ولایت د صیاد ولسوالۍ په لاره کې رامنځته شوې ده.
د سرپل د والي مطبوعاتي دفتر وايي، په دې ترافيکي پېښه کې ۸ماشومان، ١٢ښځې او څلور نارينه وژل شوي او يوه ښځه ټپي شوې ده.
د طالبانو د اعلامیې له مخې په دې پیښه کې د «علټو» او «خواجه یګانه» کلیو ته پر لاره یو «فلانکوچ ډوله» مسافر وړونکی موټر له سړک څخه واوښت او چپه شو.
طالبانو د دغې پېښې لامل د موټر چلوونکي بېاحتیاطي بللې ده.
بلخوا په کاپیسا کې د طالبانو د پولیسو ویاند عبدالفتاح فایز هم وايي، چې تيره شپه په دغه ولايت کې د کرولا ډوله موټر او موټرسايکل ترمنځ د ټکر په پایله کې یو ۱۱کلن ماشوم تر ټپي کېدو وروسته روغتون ته پر لاره ساه ورکړه.
2 تبصرې
Good post! We will be linking to this particularly great post on our site. Keep up the great writing
For the reason that the admin of this site is working, no uncertainty very quickly it will be renowned, due to its quality contents.