صالح: راولپنډۍ، طالبان یوازې د چاودېدونکو توکو د جوړولو لپاره تربیه کړي

د طالبانو حکومت رئیس الوزرا، ملا محمد حسن آخند د تېرې شپې د خبرو په تړاو د پخواني ولسمشر لومړي مرستیال، امرالله صالح غبرګون ښودلی.

صالح په یو ټویټ کې لیکلي؛ چې راولپنډۍ (پاکستان)؛ طالبان یوازې د چاودېدونکو توکو د جوړولو لپاره تربیه کړي او یوازې له دوی څخه د ویرانونکي ځواک په توګه ګټه اخلي.

نوموړي د ملا محمد حسن آخند د بیانیې لومړۍ برخې (له خدای وغواړئ چې د لوږې او بېوزلۍ ستونزې حل کړي، موږ د رزق او روزۍ ژمنه نه ده کړې) په وړاندې د غبرګون ښودلی او د کنایې په توګه یې، د طالبانو حکومت بې پروګرامه بللی.