د افغانستان تښتېدلي ولسمشر مرستیال، امرالله صالح په یو ټویټ کې لیکلي؛ چې د پاکستان صدراعظم عمران خان د طالبانو د رهبر ملا هیبتالله چارې پر مخ وړي. نوموړي همداشان د افغانستان ځینو سیاسي څېرو سره د پاکستان د “آیاسآی” د رئیس لیدنې ته په اشارې سره څرګنده کړې، چې د آیاسآی رئیس د طالبانو د استخباراتو چارې پر مخ وړي.
نوموړي په دوام کې زیاته کړې؛ د طالبانو لاسپوڅيوالي لپاره د شک ځای نه دی پاتې.
د صالح په داسې حال کې دا خبرې کړي چې سرچینو آماج ته ویلي؛ چې د پاکستان د استخباراتو رئیس جنرال ندیم احمد انجم، د دغه بنسټ لومړي مرستیال جنرال راشد، د افغانستان برخې مسوول او د پاکستان ځینو نورو استخباراتي او پوځي څېرو د ترکیې په پلازمینه انقره کې د افغانستان شمال له ځینو سیاسي _ پوځي څېرو له ډلې له مارشال عبدالرشید دوستم، عطا محمد نور او محمد محقق سره لیدلي.
د دې سربېره، په وروستیو کې عمران خان له “سيانان” سره مرکه کې ویلي؛ چې افغانستان کې د طالبان پر ځا بدیل شتون نه لري او نړۍ باید له طالبانو سره تعامل وکړي. عمران خان زیاته کړې؛ ژر یا هم وروسته نړۍ به طالبان په رسیمت وپېژني.