سرچینې آماج ته مني؛ تېره شپه ناوقته نامالومو وسلوالو د اجراییه ریاست پخواني مرستیال او د ګلبدین حکمتیار اسلامي حزب پخواني غړي محمد خان پر کور برید کړی. د سرچینې په وینا په دې برید کې د محمد خان مېرمن ټپي شوې او یو زوی او یو ساتونکی یې وژل شوي.
د دې سربېره؛ د افغانستان تښتېدلي ولسمشر مرستیال امرالله صالح وایي، چې طالبانو د محمد خان په استوګنځي برید کړی.
نوموړي په یو پیغام کې لیکلي؛ چې د محمد خان کورنۍ د طالب ډلې په خبره باور کړی و او کابل کې پاتې شوي و.
صالح زیاتوي؛ چې ملیشو او د طالب دروغجنې او بې سره ډلې لنډغرو د شپې لخوا د نوموړي په استوګنځي برید کړی، ځوانی زوی یې د تره له زوی سره وژلی او سپین سرې مېرمن یې ټپي کړې.
د صالح په وینا، “دغه نیابتي ډلې چې افغانستان د راولپنډۍ تر ملاتړ لاندې تر واک لاندې راوستلی له هر هغه چا سره دوښمني لري چې وطني او ملي حس ولري.”
صالح یو ځل بیا ټینګار کړی؛ چې د مقاومت صف تر بل هر وخت کلک باید کلک شي.
طالبانو تر اوسه په دې اړه څه نه دي ویلي.
