جنرال سادات: له اختر وروسته به افغانستان ته راستون شو او د طالبانو پر ضد به جګړه پیل کړو

د ځانګړو ځواکونو پخواني قوماندان جنرال سمیع سادات له بي‌بي‌سي سره په مرکه کې، د خپل او ډېر شمېر پخواني افغان سرتېري او سیاستوال د طالبانو پر ضد پوځي اقدام ته د چمتووالی خبر ورکړی.

هغه په دې مرکه کي ويلی، د طالبانو اته میاشتنۍ واکمنۍ ډېری افغانان په دې قانع کړل چې د طالبانو پر وړاندې پوځي اقدام یوازنۍ لار ده.

ښاغلي سادات زیاته کړې چې هغه او نور ددې لپاره چي افغانستان د طالبانو له منګولو خلاص کړي او په هیواد کي یوځل بیا ډیموکراسي حاکمه کړي, هرڅه چي په توان کي لري سرته رسوي.

نوموړی ویلی: «موږ به تر هغه پورې خپلې مبارزې ته دوام ورکړو چې موږ خپل او د خپلي ارادې ازادي ترلاسه کړو.»

د پوځ دغه پخواني قوماندان د طالبانو, پر ښځو او نجونو باندي د شدیدو محدودیتونو په شمول, سختو قوانینو ته په اشارې سره وویل: «هغه څه چې موږ په افغانستان کې د طالبانو د واکمنۍ په اتو میاشتو کې وینو، له مذهبي محدودیتونو، او د دې ډلې د سیاسي موخو لپاره د قرآن کریم ناسم تفسیر او له ناوړي استفادې پرته بل څه نه دي.»

جنرال سادات زياته کړې، چې په پيل کې يې په نظر درلود چي طالبانو ته ١٢ مياشتي وخت ورکړي، څو وګوري چې په خپل چلند ته بدلون ورکوي او که يا خو اوس د پوځ دغه پخوانی جنرال وايي: «له بده مرغه، هره ورځ چې تاسو له خوبه پاڅئ، طالبان یو څه نوي کار سرته رسولو لپاره لري، لکه د خلکو شکنجه کول، وژل، ورکول، د غذايي توکو نشتوالی، د ماشومانو خوارځواکي.»

هغه زیاتوي چې هره ورځ ورته په سلګونو پیغامونه د افغانانو له خوا ترلاسه کوي چې پوښتنه ترې کوي چې د دغه وضعیت پر وړاندې یې پلانونه څه دي.

د يادونې وړ ده، چې جنرال سميع سادات په دې تازه وروستيو کې د افغانستان د حکومت له سقوط مخکې د افغان ځانګړو ځواکونو قومانده په غاړه اخيستې وه.