په کاپیسا ولایت کې د ځایي خبریال او د افغانستان د ژورنالیستانو د ټولني مرستیال، عبدالحنان محمدي د نیولو د راپورونو خپرېدو وروسته، اوس بې پولي راپور ورکوونکي له طالبانو غواړي چې د دغو نیونو په اړه ځواب ورکوونکي واوسي.
بې پولي راپور ورکوونکي نن (دو شنه، د غبرګولي ٢٣مه) اعلان کړی، په ډېر احتمال سره په کاپیسا کې ځایي خبریال عبدالحنان محمدي د طالبانو په بند کې دی.
دغه سازمان زیاته کړې: «موږ د خبریالانو د خپلسرو نیولو د زیاتېدو په اړه خپله اندېښنه څرګندوو.»
بې پولي راپور ورکوونکي له طالبانو غواړي د هغه څه په اړه، چې د نیولو خطرناک ډول یادیږي، ځواب ورکوونکي واوسي.
د یادوني وړ ده چې ښاغلی عبدالحنان محمدي د تېري ورځي (یکشنبې) را پدېخوا لادرکه دی.
طالبانو په دې اړه څه نه دی ویلي.
