د افغانستان تښتېدلي ولسمشر اشرف غني تېره شپه په خپله فېسبوک پاڼه د نوي لمریز کال له امله غږیز پیغام خپور کړ. نوموړي د هېواد له اوسني وضعیت څخه د وتلو لپاره پر ملي اجماع ټینګار وکړ. غني وویل چې د واک ترلاسه کول آسانه مګر ساتنه یې ډېره سخته ده.
د اشرف غني پیغام د سیاسي شننونکو، خبریالانو او خواله رسنیو کارونکو له سختو غبرګونونو سره مخ شوی.
د نوموړي د پیغام په اړه د ولسي جرګې پخوانی غړی عارف رحماني وایي؛ چې د رواني يو ځل بیا له هماغه بېځایه ادبیاتو سره، د خبرو ملي ګفتمان څخه خبرې کړې دي او طالبان یې د واک انحصار او سیاسي حذف څخه منع کړي.
نوموړي لیکلي: «مګر د نوموړي په حکومت کې د له اداري مخکښتوب، د ښوونې وېش، اداري فساد، د واک انحصار او فساد څخه کوم خبر نه و. قبیلوي فکر کوونکي او مسفد باندې دې د خدا او رسولانو لعنت وي.»
خبریال هارون نجفي زاده هم غبرګون ښودلی. نوموړي یو ټویټ کې لیکلي: «اشرف غني په دې پیغام کې یو ځل بیا طالبانو ته د خپل دانش په وړاندې کولو سره، یو ځل بیا وایي چې عقل یې د افغانستان له ټولو خلکو ډېر دی، خو بیا هم له دوه لارې څخه د تېرېدو لپاره چمتو دی له خلکو سره مشوره وکړي.»
د پوهنتون استاد او سیاسي فعال مسلم شېرزاد د اشرف غني پیغام په غبرګون کې وایي؛ چې دا خلک څومره بې شرمه و، خلک یې د توکم او ژبې په نوم ټوټې ټوټې کړل او د مخکښتوب، ښوونځی یې پرانیستلو، اوس یې نصیحت کړی چې ملي یوالی دې وسلتل شي او افغانستان کې دې د ټولو لپاره یو حکومت ورغول شي.
نوموړي یو ټویټ کې لیکلي: «تښتېدلی بابا وخت دې تېر شو او نوم دې هم تښتېدلی. ډېر ځان مه په زحمت کوه او یوازې ابوظبۍ کې ځان ته لمر ورکړه او بس.»
خبریال وحید احمدیج وایي؛ اشرف غني په دې پیغام کې د هغه څه وړاندوینه کړي چې د خپل اوه کاله حکومت په لړ کې یې په هغې باور نه درلود او عمل یې ونه کړ او په ځینو حالتو کې برعکس عمل وکړ؛ سوله، ملي سوالی، پر یو افغان د بل افغان غوره والی، ګډ کار، او د لومړیتوبونو پر بنسټ له مرستو ګټه اخیستنه.
د امنیتي چارو شننونکي آرش یقین وایي؛ هره غوښتنه چې اشرف غني یې له طالبانو او افغانانو کړي، خپله یې د رهبرۍ اوو کالو کې نه دي ترسره کړي. نوموړي زیاته کړې: «دا خوسۍ نه په ملي یوالي باور لري، نه د واک انحصار ته پای موندلو او نه هم په ملي ګفتمان او اجماع.»
د یقین په وینا، د دغه تښتېدلي غله د نوروزۍ پیغام یې هم کلیمه په کلیمه د وروستۍ لسیزې په توګه دروغ او فریب دی.
غني په دې پیغام کې څرګنده کړې؛ چې که پخوانۍ غلطي تکرار شي او د افغانستان وګړي یو بل ونه مني او پر حذف او انحصار اتکا وکړي، بدې پېښې به تکرار او د جګړې لمبې به بیا بلې شي.
نوموړي زیاته کړې؛ چې د واک ترلاسه کول آسانه؛ خو ساتنه یې سخته ده او له بدو پېښو مخنیوی یې د یو بل منلو، ریښتیني ملي یوالي، پر اقتصادي واضح تحمل تمرکز او د افغانستان هر وګړي په ځانګړي ډول د ښځو انساني غرور ته درناوی دی.
تښتېدلي ولسمشر لیکلي؛ چې ښځې په سختو شرایطو کې دي او د دې په ټاکنه کې چې خپل کوم ماشوم ته ډوډۍ ورکړي له سخیو سره مخ دي.
غني په دې باور دی؛ چې بنسټیزه حل لاره «د ملي ګفتمان او سیاسي اجماع» رامنځته کول دي او د دې ملي ګفتمان اجنډا باید ځانګړې شي او د مجازي او حضوري ترکیب په اړه یې هم باید خبرې وشي.
اشرف غني وړاندیز کړی؛ چې دې ګفتمان کې باید په اوو اصلي موضوعاتو باید بحث وشي.
په ورته وخت کې؛ غني د ملي ګفتمان جوړولو، عادلانه وۍش او د واک انحصار نفې له اړتیا څخه خبرې کړي چې نیوکه کوونکو یې تل نوموړی تورن کړی چې د واک په انحصار یې لاس پورې کړ او د متوازنې پراختیا مخه یې ونیوله.
د هېواد وګړو هم اشرف غني د هېواد د اوسني وضعیت لامل بللی او نوموړی د یو دروغجن او فریب کوونکی بولي.
تښتېدلی ولسمشر دا خبرې په داسې حال کې کړي؛ چې د توکمیز تبعیض کوونکو سیاسي رهبرانو څخه شمېرل شوی او د درېدلو ژمنو خلاف له دروغ ویلو او منافقت سره د تېر کال اسد میاشتې په ۲۴ مه، کابل ته د طالبانو له رسېدو سره وتښتېد او ابوظبۍ ته یې پناه یوړه.
