پاکستان کې د پښتنو لویه جرګه په افغانستان کې د لویې جرګې او بیا وروسته د ټاکنو له لوري د منتخب حکومت جوړېدو غوښتنه کړې. دا جرګه د خیبر پښتونخوا ایالات بنو ښار کې د درې ورځو لپاره جوړه شوې وه او د یوې اعلامیې په خپروولو سره تېره ورځ پای ته ورسېده.
د یادې جرګې د پای په اعلامیه کې راغلي؛ چې افغانستان کې د زور له لوري واک ترلاسه کول ناقانونه او له خلکو سره خیانت دی او باید دې هېواد کې له نړیوالو معیارونو سر سم یو جمهوري نظام رامنځته شي.
د پاکستان پښتنو جرګې همداشان د افغانستان اوسني ناورین څخه اندېښنه ښودلې او له ملګرو ملتونو او د افغانستان ګاونډیو هېوادونو یې غوښتي؛ چې د دې هېواد له وګړو سره مرسته وکړي او له افغان کډوالو سره قانوني او انساني چلند ولري.
په اعلامیه کې یادونه شوې؛ چې دوی د ډیورنډ په اوږدو کې اغزن تار نه مني او غواړي چې کرښې دواړو لورو ته خلک یو بل تر سره سوداګري او اسنادو پرته له سندونود پرته تګ راتګ وکړي.
یادې غوښتنې په دې جرګه کې د پاکستان زرګونه کسانو په ګډون ترسره شوې. خو تر اوسه د پاکستان رسمي چارواکو او د افغانستان طالبانو په دې اړه څه نه دي ویلي.
په ورته وخت کې؛ پخواني ولسمشر حامد کرزي په پاکستان کې له دې لویې توکمیزې جرګې او اعلامیې څخه یې هرکلی وکړ.
د ټاکنو ترسره کول او د خلکو د رایو پر بنسټ د منتخب حکومت رامنځته کول، له دې وړاندې د پخواني حکومت یو شمېر چارواکودلخوا هم وړاندې شو دی. بهرنیان په افغانستان کې د ټول ګډونه حکومت غوښتونکي دي.
خو طالبانو د ټاکنو ترسره کولو غوښتنو او د خلکو رایې ته کوم ځواب نه دی ورکړی او اوسنی حکومت یې مشروع او ټول ګډونه بللی. خو ځینې اوس هم پوښتي؛ چې له دې وروسته افغانستان کې د واک ترلاسه کولو لپاره وسله واخلي یا رایه ورکړي؟
