په تېر حکومت کې د خلکو خوځښتونو د غړي خپلوان آماج ته وایي چې میرزا محمد درې میاشتې وړاندې د پروان ولایت په سالنګ ولسوالۍ کې د طالبانو استخباراتو لخوا ونیول شو او لا یې له برخلیک څخه مالومات نشته.
د میرزا محمد خپلوان زیاتوي؛ چې نوموړی په سالنګ ولسوالۍ کې د طالب استهباراتو لخوا نیول شوی او بیا د پروان ولایت امنیت ریاست ته لېږدول شوی وو او له خپلوانو سره د لیدو اجازه یې هم نه درلوده او اوس کابل کې د طالبانو ۴۰ ریاست کې بندي دی.
همداشان د خلکو خوځښتونو د یاد پخواني غړي د خپلوانو په وینا؛ چې میرزا محمد له کوم دلیل پرته نیول شوی او دا یوه انتقام اخیستونکي کړنه بولي.
دا په داسې حال کې ده؛ چې په دې وروستیو کې د بشرحقونو د څار بنسټ د طالبانو د نیولو په اړه غبرګون وښود، هغه غبرګون چې طالبانو «پروپاګند» وبللو او رد یې کړ.
