د افغانستان د ملي مقاومت جبهې مشر احمد مسعود وايي، چې غواړي د هېواد له بېلابېلو طبقو سره د مشورتي غونډو په جوړولو سره د ملي مقاومت د جبهې عالي شورا تشکيل کړي.
د دې جبهې وياند صبغت الله احمدي وويل، چې تېره شپه د دې جبهې د مشر احمد مسعود په ګډون د افغانستان د ملي مقاومت جبهې د سترې شورا د جوړولو په موخه د يوه پروګرام (زوم) له لارې يوه ستره مشورتي غونډه جوړه شوه.
ښاغلي احمدي نن په خپل ټویټر پاڼه باندې لیکلي چې د دې مشورتي غونډې موضوع د افغانستان د ملي مقاومت د جبهې د عالي شورا د جوړېدو په اړه سلا مشورې وې.
هغه زیاته کړه، د غونډې په پای کې د مقاومت جبهې مشر د نظرونو له اورېدو او د پارلمان د ګډونوالو له قدرونې وروسته، ټینګار وکړ، چې د دغو غونډو په دوام او له هر اړخیزو بحثونو وروسته، د افغانستان د سراسري شورا مشر د ملي مقاومت جبهه به جوړه شي.
د مقاومت جبهې په خبرپاڼه کې د غونډې د نورو ګډونوالو په اړه څه نه دي ویل شوي.
خو داسې ويل کېږي چې احمد مسعود په شورا کې د یو شمېر سیاسي څېرو د راټولولو اراده لري.
له بلې خوا یو شمېر مطرحو مشرانو او څېرو لکه عطا محمد نور، محمد محقق، عبدالرب رسول سیاف، مارشال دوستم او محمد یونس قانوني هم د سترې شورا په نوم د یوې شورا د جوړېدو خبره کړې ده. د مقاومت.”
