مقاومت جبهه: د افغانستان په ډېری سیمو کې مقاوت کوونکي شتون لري؛ د ازادۍ لپاره جګړه کړو

په دې وروستیو کې د افغانستان په بېلابېلو سیمو کې د مقاومت جبهې ځواکونو او طالبانو ترمنځ نښتې ډېرې شوې دي.

د افغانستان ملي مقاومت جبهې ویاند صبغت الله احمدي د افغانستان، پاکستان او منځني ختیځ په چارو کې له ورځپاڼه لیکونکي، خبریال، مقاله لیکونکي او کارپوه ؛ مانیش رای سره په ځانګړې مرکه کې ویلي؛ چې د دوی د افغانستان خلکو آزادۍ او سولې لپاره جګړه کړي.

مانیش رای د (ویو اراوند) نشریې مشر هم دی.

صبغت الله احمدي په دې مرکه کې ویلي؛ چې د ملي مقاومت ځواکونه د افغانستان په ډېری سیمو کې شتون لري او هره ورځ د پرمختګ او زیاتېدو په حال کې دي.

احمدي په دې خبرو اترو کې زیاته کړې: (لومړی دا باید ووایم چې موږ د افغانستان خلکو آزادۍ، امنیت او سولې لپاره جګړه او مبارزه کړو. موږ له ټولو آزادي غوښتونکو مبارزینو څخه چې د طالبانو او نورو تروریستي ډلو په وړاندې جګړه کړې، د افغانستان ښځو او سړیو له لوړو ارزښتونو څخه دفاع او ملاتړ کړو.)

احمدي زیاته کړې؛ چې د یادې جبهې ځواکونه اوس نه یوازې په پنجشېر ولایت او اندارب کې؛ بلکې د هېواد په ګڼ شمېر سیمو کې پراخ شتون لري، په تخار او سمنګان ولایتونو کې د پام وړ شتون لري او د بغلان په خوست ولسوالۍ کې هم ډېر ګټور او عملیاتي فعال دي.

نوموړي څرګنده کړې: (په ټولییز ډول موږ په نورو ولایتونو لکه؛ کابل، بلخ، بدخشان، کاپیسا، سرپل، غور، لغمان، پروان، ننګرهار، بادغیس، بامیان، نورستان، فاریاب، جوزجان، قندوز، هرات، فراه او غزني کې هم د خلکو له ملاتړ سره فعالیت لرو. د مقاومت ملي جبهه د خلو مال او ځان د دفاع لپاره ده، موږ د انسانی کرامت ساتلو، بشرحقونو او په ځانګړي ډول د ښځو حقونو، بیان آزادۍ او ټاکنو لپاره هڅه کړو تر څو د افغانستان خلک وتوانېږي خپله د هېواد د راتلونکي په اړه پرېکړه وکړي.)

د مقاومت جبهې ویاند زیاته کړې: (زموږ قومندانان او ځواکونه اوسمهال د جګړې په لومړۍ کرښه کې د افغانستان خلکو له وښمنانو سره جګړه او مبارزه کړي او زموږ د سیاسي رهبرۍ برخې هم کله په کوردننه افغانستان او کله هم له هېواد بهر وي او دا یو طبیعي امر دی.)

نوموړي ټينګار کړی؛ چې مقاومت جبهه د طالبانو ټولو ضد جبهو څخه د هېواد په بېلابېلو برخو کې ملاتړ کړي او دا جبهه د افغانستان خلکو په ځان او مال کې شتون لري.

دا په داسې حال کې ده؛ چې دې وروستیو کې د مقاومت جبهې ځواکونو او طالبانو ترمنځ د افغانستان په شمال، پنجشېر او د اندراب درې به شااوخوا کې سختې نښتې شوې دي.

مقاومت جبهې ادعا کړې ده؛ چې طالبانو ته يې سخته مرګ ژوبله اړولې ده، خو طالبانو تل د مقاومت جبهې ادعا رد کړې ده.