په کاپیسا کې د مقاومت جبهې چریکیانو د ویډیوګانو په خپرولو وایي چې د تیري شپې شاوخوا ١٠:٠٠ بجې د کوهستان د حصه دوم ولسوالۍ په قزاق کلي کې یې د طالبانو پر یوې پوستې برید کړی.
د مقاومت چریکیانو زیاتوي چې د دغه برید په پایله درې طالبان وژل شوي او دوه نور یې ټپیان شوي دي.
د چریکیانو په وینا په دغه برید کې دوی ته کوم زیان نه دی رسېدلی.
سرچینې له آماج سره په خبرو د تېري شپې نښته مني خو ځایي طالبان په دې اړه غبرګون نه دی ښودلی.
