نبیل: په حقیقت کې طالبان بزدله، مزدوران او په ورته وخت کې مستبد دي، نه فاتح

لخوا Aamaj News

د ملي امنیت پخواني رئیس رحمت‌الله نبیل په خپل ټویټر پاڼه لیکلي: “هغه حکومت چې په هره غونډه او راټولېدنه کې د نړۍ د ۴۸ هېوادونه ماتې د خلکو کې یادوي؛ خو د څو عدالت غوښتونکو نجونو له حق غوښتنې تر دې حده په ویره کې وي چې د ټولو اسلامي او انساني ارزښتونو تر پښو لاندې کولو سره د دغه عدالت غوښتونکو په وهلو، ډبول او ځورولو لاس پورې کړي؛ دوه مطلبه واضح کوي.”

د نوموړي په وینا؛ په حقیقت کې طالبان بزدله، مزدوران او په ورته وخت کې مستبد دي، نه فاتح.

نبیل زیاته کړې؛ چې طالبان په بشپړ ډول د افغانستان له عنعنو او کلتور سره بېګانه دي.

نوموړي د یاد مطلب په پای کې ویلي چې د وروستیو څلوېښت کالونو تجربو دا وښودل چې د ورته حکومتونو دوام ناشونی دی.

اړوند لیکنې

یو نظر پریږدئ