د ملي مقاومت جبهې رهبر احمد مسعود «انډین اکسپرس» ورځپاڼې ته ویلي چې د طالبان د نړیوالو تروریستي ډلو لخوا ملاتړ کېږي او د افغانستان په خلکو «ظلم او ستم» کړي. نوموړي زیاته کړې چې له دې امله مقاومت جبهه چې له هر هېواد وغواړي ورسره مرسته وکړي، مرستې به ومني.
د مقاومت جبهې رهبر په دې خبرواترو کې څرګنده کړې چې د افغانستان خلک د طالبانو په وړاندې ودرېږي او د آزادۍ لپاره مبارزه وکړي؛ خو ملاتړ ته اړتیا لري.
د نوموړي په وینا تر ټولو مهم او اثلي څيز ملاتړ او تدارکات دي. نوموړي څرګنده کړه چې مقاومت جبهه د تخصص، انساني ځواک او سرتېرو کمښت نه لري، خو د تدارکاتو کمښت لري.
مسعود ویلي چې هېڅ دولت تر اوسه افغانستان ملي مقاومت جبهې څخه ملاتړ نه دی کړی او دا جبهه له ولسي ملاتړ سره د طالبانو په وړاندې مبارزه کړي.
احمد مسعود دې په څرګندولو سره چې افغانستان ته د طالبانو په راتګ سره دا هېواد د (تیارو دور) ته ګرځېدلی ویلي چې طالبانو القاعده او نورو تروریستي ډلو ته پناه ورکړې نوموړي ویلي: «دوی د ښارونو په شااوخوا کې په آزاد ډول فعالیت او تګ راتګ کړي.»
نوموړي د امریکا هغه برید ته چې د ایمن الظواهري د وژل کېدو لامل شوه؛ ته په اشارې سره ویلي چې د طالبانو تر واکمنۍ لاندې د کابل مرکز کې د القاعده د رهبر شتون «حیرانوونکی» نه دی.
د مقاومت جبهې رهبر خبرداری ورکړی چې افغانستان کې د یو قانوني حکومت پرته به طالبان دا هېواد د محمد جیش په ګډون د ډېرو نړیوالو تروریستي ډلو پټنځای کړي چې د هند په ګډون د سیمې ټولو هېوادونو ته به کواښونه جوړ کړي.
مسعود په دوام کې ټینګار کړی: «د طالبانو په وړاندې تسلیمېدل د ترورېزم د ارادې په وړاندې تسلېمېدل دي او دا هغه اور دی چې پاکستان ورسره لوبې وکړې او ژر یا لرې وبه وینو چې دوی ته به معکوسې پایلې ورکړي.»
