ناسا د جیمز ویب فضايي تلسکوپ فضا ته ولېږلو، دا یو له ګران بیه تلسکوپونو دی، چې په دوه لسیزو کې د لس میلیارده ډالرو په لګښت جوړ شوی.
ښایي دا تلسکوپ د هستۍ عالم په ژوره کچه وګوري او د “بېنګ بنګ” شااوخوا د کهکشانونو راټول شوی نور جذب کړي.
د جیمز ویب فضایي تلسکوپ د پوهانو له دوه لسیزو هڅو وروسته؛ د کریسمس په ورځ د فرانسې د آریان اروپا موشک باندې فضا ته ولېږل شو.
د “ناسا” سازمان رئیس بېل سون وویل: ” دا نن یوازې زموږ د امریکايي، کاناډایي او اروپایي شریکانو لپاره ښه ورځ ده، بلمې د ځمکې د سیارې لپاره هم فوق العاده ورځ ده.”
جیمز ویب فضايي تلسکوپ چې د هابل پېژندل شوي تلسکوپ ځای نیسي، یو ښکتنی سور نوري تلسکوپ دی. چې د هستۍ عالم د لویو او کوچنیو توکو د ساتنې توان لري.
د جیمز ویب پروژه کې د اروپا، آمریکا او کاناډا فضایي سازمانونو ګډون کړی.
تر اوسه د هستۍ عالم انځورونه د هابل فضایي تلسکوپ ځمکې ته رالېږل، چې د ۱۹۹۰ کال د آپریل په ۲۴ مه د یو نیم میلیارد ډالرو په ارزښت جوړ او فضا ته لېږل شوی و.
