امریکا او اسرائیل هستوي وسلو ته د ایران نه لاسرسي په موخه یو هوکړه لیک لاسلیک کوي

د امریکا متحده ایالاتو یو لوړپوړي چارواکي خبر ورکړی؛ چې د امریکا ولسمشر جو بایډن او د اسرائیلو صدراعظم، هستوي وسلو ته د ایران نه لاسرسي لپاره یو هوکړه لیک لاسلیک کوي.

یاد لوړ پوړي چارواکي زیاته کړې؛ چې د دواړو هېوادونو رهبران به نن (پنجشنبه د چنګاښ ۲۳مه) یو ګډ هوکړه لیک لاسلیک کړي چې هېڅکله هستوي وسلو ته د ایران د نه لاسرسي د اجازې نه ورکولو ژمنه کې شامل دی.

د یادې هوکړې په اړه نور مالومات لا نه دي خپاره شوي.

د یادونې وړ ده؛ چې بایډن تېره ورځ (چهارشنبه) د اسرائیلو پلازمینې تل آویو ته دننه شو او د یاد هېواد لومړي وزیر، یاییر لاپید یې هرکلی وکړ.

ښایي جو بایډن له یاییر لاپید سره له خبرو وروسته، د جمعې په ورځ له فلسطیني ځمکو لیدنه وکړي او له هغې ځای څخه د سعودي عربستان پلازمینې ریاض ته روان شي.