د پاکستان د بهرنیو چارو وزیر د ایران له ولسمشر سره په لیدنه کې ویلي؛ چې پاکستان او ایران په مستقیم ډول افغانستان کې د نښتو او بې ثباتۍ تر اغېز لاندې دي. بلاول بوتو زیاته کړې چې دوی خپلې ګټې په یو سوله ییز افغانستان کې ویني.
د ایراني رسنیو د راپور له مخې، دواړو خواوو ټینګار کړی چې نړۍ د افغانستان له اوسنیو چارواکو څخه د ترورېزم په وړاندې د ګټورو کړنو تمه لري.
بل پلو یادو دوه پاکستاني او ایراني چارواکو د افغانستان وروستیو بدلونونو او په ځانګړي ډول د خرابي انساني او ماتېدونکي اقتصادي وضعیت په اړه خبرې اترې کړې دي.
د یادونې وړ ده؛ چې دا ایران ته بلاول بوټو زرداري لومړی سفر دی.
