ایران: د بلخاب جګړه د امریکا فتنه ده؛ واشنګتن په افغانستان کې قومي او مذهبي جګړه غواړي

لخوا Aamaj News

د افغانستان په چارو کې د ایران ځانګړی استازی، حسن کاظمي قمي ویلی چې د بلخاب جګړه د امریکا فتنه ده او دغه هیواد په افغانستان کې قومي او مذهبي جګړه غواړي.

ښاغلی قمي نن (یکشنه، چنګاښ ۵ مه) په یو ټویټ کې لیکلی: «په افغانستان کې د یوې موخییزي ګډوډۍ لپاره د امریکا لومړیتوب، قومي او مذهبي جګړه اچونه ده څو هزاره او تاجیک د خپلي طرحي قرباني کړي او د افغانستان ناورین سیمه ییز کړي.»

نوموړی زیاته کړې چې په بلخاب کې جګړه د امریکا مقدماتي فتنه ده او هرڅوک چې هغه ته لمن وهي د هغه هیواد په سناریو کې لوبه کړېده.

هغه لیکلی: «د افغانستان د ټولو توکمونو زړه سواند مشران دي په بلخاب له جګړې ډډه وکړي. په بلخاب کې جګړه هیچا ته پرته د خلکو له ویني تویوني او د افغانستان ویجاړي بله کومه پایله نه لري.»

د یادوني وړ ده چې د طالبانو ناخوښ هزاره تبار قومندان، مولوي مهدي او طالب ځواکونو تر منځ نښتي له درې ورځي راهیسي د سرپل په بلخاب ولسوالۍ کې رواني دي، خو طالبانو وایي چې په دغه ولسوالۍ کې چاڼیز عملیات پای ته رسېدلی.

اړوند لیکنې

یو نظر پریږدئ