د بشري حقونو څار بنسټ: طالبان په پنجشېر کې ملکي وګړي وهي او ډبوي

لخوا Aamaj News

د بشر حقونو د څار بنسټ په یوه راپور کې ویلي، چې طالبان په پنجشېر ولایت کې لومړی ملکي وګړي له مقاومت جبهې سره د همکارۍ په تور نیسي او بیا یې وهي او ډبوي کړی.

دغه سازمان زیاته کړې، چې طالبانو په نورو ولایتونو کې هم د خپل مخالفي جبهې په وژلو لاس پوري کړی.

د بشري حقونو د څار بنسټ د مقاومت کوونکو د بریدونو له زیاتېدو هم یادونه کړې او ويلي یې دي چې د یادو بریدونو له زیاتېدو وروسته طالبانو پنجشېر ته د ګڼ شمېر جنګیالي استولي او د مقاومت له جبهې سره د همکارۍ په تور یې ولسي خلک بندیان او وهلي او ډبولي.

په همدې حال کې د طالبانو له بندخونې خوشې شویو کسانو د بشري حقونو دغه مدافع بنسټ ته ویلي؛ چې طالبانو دوی وهلي او د مقاومت د جبهې په اړه یې مالومات غوښتي دي.

خوشي شوي کسان دا مني چې پنجشیري ځوانان په څو بندخونو کې په ډلییز ډول ساتل کیږي.

د بشري حقونو د څار بنسټ د دغه راپور په دوام کې زیاته کړې چې ډله‌ییزه سزا له نړیوالو بشردوستانه قوانیونو څخه سرغړونه او جنګي جنایت دی.

دا په داسي حال کې ده؛ چې تر دې وړاندې سیمه‌ییزو سرچینو آماج ته منلې وه، چې ګڼ شمېر پنجشیري ځوانان د طالبانو له لوري بندیان شوي او په بې رحمانه توګه وهل شوي او ډبول شوي او یو شمېر یې د همدې وهلو په پایله کې ساه ورکړې.

اړوند لیکنې

یو نظر پریږدئ