افغانستاني غرختونکی د پاکستان په غرونو کې ساه ورکړه

لخوا Aamaj News

د هیواد غرختونکی، علی اکبر سخي د نړۍ دوهمي لوړي څوکي (K2) ته د ختلو پر وخت خپل ژوند له لاسه ورکړ.

دا څوکه د اوریست نه وروسته د نړۍ دوهمه لوړه څوکه ده چې د پاکستان په شمال کې موقعیت لري او د سیند له سطحي نه یې لوړوالی ٨٦١١ متر دی.

دا پېښه تېره ورځ (پنجشنبه، چنګاښ ٣٠مه) رامنځته شوې ده.

د نوموړي د مړیني لامل لا نه دی معلوم، خو ښایي د اکسېجن کموالی د پېښي لامل وي.

ښاغلی سخي د بغلان ولایت د دوشي ولسوالۍ اصلي اوسېدونکی و او د غرختني په برخه کې روښانه کارنامه لري. نوموړي او نهه کسیزه ټېم یې په ٢٠٢٠ کې وکولای شو چې له ١٧ ورځو غرختني وروسته د افغانستان په شمال ختیځ کې د افغانستان تر ټولو لوړه څوکه، د نوښاخ څوکه فتحه کړي.

تر اوسه ٣٧٧ غرختونکي توانېدلي د (K2) څوکي ته وخیږي او دا د نه لاس رسی وړ څوکي د فتحي ویاړ ترلاسه کړي.

اړوند لیکنې

یو نظر پریږدئ