سرچینې آماج ته وایي؛ چې طالبانو پخوانی پوځي یار محمد د غور ولایت، فېروزکوه ښار په سوخته سیمه کې په ډزو ویشتلی.
د یار محمد خپلوان وایي؛ چې طالبانو نوموړی دوه ورځې وړاندې له خپل کور څخه بوولی او مړی یې نن (یکشنبه، د کب ۲۲مه) د لومړۍ حوزې اړوند دره قاضي سیمې څخه موندل شوی.
خو په غور کې د طالبانو تر ادارې لاندې د پولیسو قومندانۍ ویاند وايي؛ چې د یاد کس مړی موندل شوی او روغتون ته لېږل شوی. نوموړی زیاتوي؛ چې د یادې پېښې په اړه زیات مالومات په لاس کې نشته.
دا په داسې حال کې ده؛ چې د طالبانو لخوا د بلال په نوم د یو پنجشیري ځوان له وژل کېدو وروسته، د طالبانو لخوا د وژنو دوام غبرګونونه خپل اوج ته رسېدلي.
د ورته چلند ویډیوګانو خپرول چې صحرایي محکمه ګڼل کېږي، سخت غبرګونونه یې له ځان سره درلودل. یو شمېر دا کړنه جنایت بللې او طالبانو بدلون نه دی کړی.
