غور کې طالبانو یو قومي مشر او زوی یې ووژل

لخوا Aamaj News

غور کې سیمه‌ییزې سرچینې آماج ته وايي چې یاد ولایت کې طالبانو یو قومي مشر او زوی یې وژلي.

غور کې د طالبانو د سرچینې په وینا رییس احمد خان او زوی یې چې دوه میاشتې وړاندې نیول شوي وو په همغه لومړیو کې په قتل رسېدلي وو؛ خو د خان کورنۍ ته یې د ژوندي پاتې کېدو په تړاو کوم ځواب ورکړل شوی نه وو.

سرچینې زیاته کړې ده چې په پایله کې تېره ورځ (یک‌شنبه د لېندۍ ۱۳مه) د طالبانو یو هیئت له کابل څخه غور ولایت ته راغلو او کله چې د رییس احمد خان کورنۍ له یاد هیئت څخه د دې قومي مشر د مړي او ژوندي په اړه وپوښتل د دې هیئت له فشارونو سره یاد ولایت کې طالب چارواکو ومنله چې دوه میاشتې وړاندې د خان له نیولو وروسته یې خان او زوی یې وژلي او د فېروزکوه ښار په ۱۵ کیلومترۍ کې د الندر په لوېدیځ کې یې خښ کړي دي.

د طالبانو وژنې په ځانګړي ډول د پخوانیو پوځيانو او قومي مشرانو وژل نوې خبره نه ده.

له دې وړاندې هم طالبانو یاد ولایت کې د پخواني حکومت ولسي ځواک یو قومندان له خپلې مېرمنې او لور سره یو ځای وژلی وو.

اړوند لیکنې

یو نظر پریږدئ