له مزارشريف او کندز وروسته په ميمنې ښار کې کور په کور پلټنه پيل شوه

لخوا Aamaj News

د فاریاب ولایت په مرکز، میمنې ښار کې د طالبانو لخوا کور په کور پلټنه پیل شوې ده.

د سرچينو په وینا نن سهار (دوشنبه، وږي ٧مه) کندهاري طالبانو د ميمنې ښار په بېلابېلو سيمو کې کور په کور تلاښۍ پیل کړې ده.

سرچینې زیاته کړې چې طالبانو د فاریاب د پښتون کوټ ولسوالۍ د سبز سیمې اوسېدونکو ته ۱۵ ورځې وخت ورکړی چې خپل کورونه پرېږدي.

طالبانو ویلي دي چې د دې پلټنو موخه د وسلو او دولتي وسایطو راټولول دي.

طالبانو په دې وروستیو کې په بلخ او کندز ولایتونو کې هم کور په کور تلاښۍ په لاره اچولې ده.

اړوند لیکنې

یو نظر پریږدئ