په باغيس کې سيمه ييزې سرچينې وايي چې د دغه ولايت په مرکز کې نامعلومو کسانو يو ځوان وژلى دى.
د بادغيس د امنيې قوماندانۍ وياند د پېښي د پخلي تر څنګ وایي چې دغه ٢٣ کلن ځوان محبالله نومېده او د دوشنبې په شپه (د زمري ١٧مه) د بادغيس د مرکز قلعه نو ښار د لومړۍ ناحيې په مربوطاتو کې په ډزو وژل شوى دى.
تر اوسه د دغه ځوان د وژنې لامل او انګیزه نه ده څرګنده.
دا په داسې حال کې ده چې په تېرو لسو ورځو کې د بادغیس په مرکز، قلعه نو ښار کې د نامعلومو وسله والو له خوا په بېلابېلو پېښو کې درې تنه وژل شوي دي.
