په بدخشان کې د طالبانو د اطلاعاتو او فرهنګ رييس، معز الدين احمدي وايي چې په دغه ولايت کې د يوې ترافيکي پېښې له امله د يوه ماشوم په ګډون دوه تنه وژل شوي او د ماشومانو په ګډون پنځه تنه نور ټپيان شوي دي.
د هغه په وينا، دغه پېښه نن سهار (سه شنبه د وږي ٢٩مه) د بدخشان د درایم ولسوالۍ د يامچيانو په کلي کې رامنځته شوې ده.
د يادونې ده چې په تېرو لسو ورځو کې په بدخشان کې دا پنځمه ترافيکي پېښه ده، چې له امله يې شاوخوا ٣٠ کسان مړه او ټپيان شوي دي.