د بدخشان پوهنتون ته نږدې چاودنه؛ طالبان: چاته زیان نه دی رسېدلی.

د بدخشان ولایت د اطلاعاتو کلتور رییس معزالدین احمدي رسنیو ته وایي: «له پخواني رژیم څخه د بدخشان فیض آباد پوهنتون پُل اړوند پوسته کې پاتې شوي ماین د طبیعي پېښې له امله نن سهار چاودنه وکړه.»

نوموړي ویلي؛ چې یاده پېښه کې چاته زیان نه دی رسېدلی او له دې راپور پرته نور شایعات دروغ دي.

خو عیني شاهدان وایي؛ چې دې پېښه کې یوه ښځینه زدکړیاله په سطحي ډول ټپي شوې.

په ورته وخت کې د سیمې یو اوسېدونکی د طالب چاروکو د خبرو خلاف آماج ته وایي؛ چې چاودېدونکي توکي پخواني نه، بلکې تازه ځای پر ځای شوي وو.