پخواني داخله وزیر: د طالبانو زوال رارسېدلی؛ خو خلک یې جنایتونه نه هېروي

لخوا Aamaj News

پخواني داخله وزیر مسعود اندرابي وایي، طالبانو د بشري حقونو نړیوال څار بنسټونو د خبرداری برسېره په پنجشېر، اندراب او نورو ولایتونو کې خپل ظلم ته دوام ورکوي.

هغه په پنجشېر کې د طالبانو لخوا د یو ځوان د وژلو په غبرګون کې په یو ټویټ کې لیکلي، د طالبانو زوال رسېدلی؛ خو خلک یې جنایتونه نه هېروي.

دا په داسي حال کې ده چې طالبانو نن د پنجشېر په پېشغور کلي کې یو ځوان چې رواني ناروغۍ یې درلود په ډزو وژلی.

د دغه ځوان وژنه د پنجشېر د اوسېدونکو اعتراضونه هم له ځان سره لرل.

تر دې وړاندي هم په پنجشېر او د بغلان په ځینو سیمو کې د ملکي وګړو د پراخو وژنو او نیونو راپورونه ورکړل شوي.

د بشري حقونو د څار سازمان هم په یو راپور کې ویلي، طالب ځواکونو په پنجشېر کې د دغه ولایت اوسېدونکي د مقاومت جبهې سره په همکارۍ تورن کړی او بیا یې په غیر قانوني توګه نیولي او شکنجه کړي دي.

اړوند لیکنې

یو نظر پریږدئ